नाइजेरियाको दक्षिणपूर्वी सहर पोर्ट हार्कोर्टको एउटा चर्चमा शनिबार एक कार्यक्रमका क्रममा भागदौड मच्चिएको छ । यस क्रममा कम्तिमा ३१ जनाको मृत्यु भएको छ भने धेरै घाइते भएको बताइएको छ । घटनामा ज्यान गुमाउने अधिकांश बालबालिका रहेका छन् । प्रहरी र सुरक्षा अधिकारीलाई उद्धृत गर्दै यो जानकारी दिइएको हो ।
खाना बाँड्ने क्रममा भागदौड मच्चिएको प्रहरीले जनाएको छ । शनिबार बिहान चर्चमा खाना लिन पुगेका सयौं मानिसले गेट तोडेर भागदौड मच्चाएको थियो । नाइजेरियाको सिभिल डिफेन्स कोर्प्सका क्षेत्रीय प्रवक्ता ओलुफेमी अयोडेलका अनुसार घटना स्थानीय पोलो क्लबमा भएको हो, जहाँ नजिकैको किंग्स असेम्ब्ली चर्चले उपहार दान अभियान आयोजना गरेको थियो । उपहार वितरण गर्ने क्रममा भीडका कारण भागदौड मच्चिएको उनले बताए ।
राज्य प्रहरीका प्रवक्ता ग्रेस वोएन्जिकुरो इरिङ्गे-कोकोले भागदौड नभएसम्म अपरेशन सुरु नभएको बताए । गेट बन्द भए पनि भीड जबरजस्ती कार्यक्रम स्थलमा प्रवेश गरेको थियो । जसका कारण भागदौड मच्चिएको थियो, त्यसपछि दुर्घटना भएको थियो । उनका अनुसार ३१ जनाको मृत्यु भएको पुष्टि भएको छ । घटना लगत्तै सात घाइतेलाई अस्पतालमा भर्ना गरिएको उनले बताए ।
