९० को दशकमा इंडियाको पहिलो सुपरहिरो ‘शक्तिमान’ बनेर बालबालिकादेखि वृद्धवृद्धासम्म लोकप्रिय बनेको यो सिरियल अब ठूलो पर्दामा आउने तयारीमा छ । फिल्म समीक्षक तरण आदर्शले इन्स्टाग्राममा एक पोस्ट गर्दै यो जानकारी दिएका हुन् । सोनी पिक्चर्सले अभिनेता मुकेश खन्नासँग मिलेर यो प्रोजेक्टमा काम गरिरहेका छन ।
चलचित्र शक्तिमानको पहिलो झलक पनि बाहिर आएको छ, जुन निकै आकर्षक देखिन्छ । तर, अहिलेसम्म शक्तिमान को बन्ने भन्ने कुरा बाहिर आएको छैन । सोनी पिक्चर्सले भने कि हामी ब्रुइङ थॉट्स प्रालि र मुकेश खन्नाको भीष्म इन्टरनेशनलसँग शक्तिमान फिल्मको लागि तयारी गर्न पाउँदा उत्साहित छौं, थप विवरण चाँडै आउँदैछ ।
प्रसिद्ध टिभी कार्यक्रम डीडी नेशनलमा सन् १९९७ देखि २००० सम्म चलेको थियो । यसमा अभिनेता मुकेश खन्नालाई टाइटलर सुपरहिरोको रूपमा र पंडित गंगाधर विद्याधर मायाधर ओमकारनाथ शास्त्रीजीलाई एक पत्रिकामा फोटोग्राफरको रूपमा चित्रित गरिएको थियो ।
