शंकर पाठकको जाहेरीले वादी नेपाल सरकार प्रतिवादी रुजन श्रेष्ठ समेत भएको कर्तव्य ज्यान मुद्दामा वारदातमा संलग्न रही फरार रहेका जिल्ला रामेछाप दोरम्बा गाउँपालिका वडा नम्बर ३ को वडा सदस्य भई हाल भक्तपुर निकोसेरा बस्ने ४० वर्षको लाल बहादुर मगरलाई प्रहरीले नियन्त्रणमा लिएको छ ।
खोज तलास गरी फेला परेमा पक्राउ गरी दाखिला गराई दिने भन्ने व्यहोरा जिल्ला प्रहरी कार्यालय, रामेछापको क्रम संख्या ६४०० चैत १२ गतेको पत्र जिल्ला प्रहरी परिसर, काठमाडौंमा प्राप्त भएको थियो ।
प्राप्त भए पश्चात निज प्रतिवादीको खोज तलास गर्ने क्रममा चैत १८ गते काठमाडौं जिल्ला को महानगरपालिका वडा नम्बर ३२ जडिबुटी वडा एरियामा लुकिछिपी बसेको अवस्थामा फेला पारी पक्राउ गरिएको छ ।
निज लाल बहादुर मगरलाई नियन्त्रणमा लिई आवश्यक कारवाहीको लागी जिल्ला प्रहरी कार्यालय, रामेछाप पठाइएको कुरा जिल्ला प्रहरी परिसर, काठमाडौंले जनाएको छ ।
