एकजना व्यक्तिले माघ १४ गते राति जिल्ला, कास्की पोखरा महानगरपालिका वडा नम्बर ५ स्थितमा रहेको NMB बैंकको ATM मेशिनबाट पैसा चोरी गर्ने उद्वेश्यले मेशिन तोडफोड गर्दै गरेका थिए ।
जिल्ला कास्की माछापुच्छ्रे गाउँपालिका वडा नम्बर ९ घर भई हाल सोहि ठाउँको पोखरा महानगरपालिका वडा नम्बर १७ बिरौटा बस्ने २७ वर्षको टिकाराम पौडेललाई वडा प्रहरी कार्यालय वैदामबाट खटिएको प्रहरी टोलीले नियन्त्रणमा लिएको कुरा जिल्ला प्रहरी कार्यालय, कास्कीले जनाएको छ ।
निजलाई नियन्त्रणमा लिई कास्की जिल्ला, अदालतबाट चोरी उद्योग मुद्वामा म्याद थप गरी अनुसन्धान प्रक्रिया अगाडि बढाईएको छ ।
