अबैध रूपमा भन्सार छली गरी लिएर आएका मोबाईलहरू लुकाई छिपाई राखेको छ भन्ने विशेष सूचनाको आधारमा जिल्ला प्रहरी कार्यालय, बाराबाट खटिई गएको प्रहरी टोलीले ५१ थान मोबाइल सहित एकजना व्यक्तिलाई पक्राउ गरेको छ ।
जिल्ला बारा बारागढी गाउँपालिका वडा नम्बर ३ खोपवा टोल स्थितमा रूपन भन्ने रूपनारायण चौधरीको घरमा खानतलासी गर्दा विभिन्न कम्पनीका ५१ थान मोबाईल सेटहरू, ४८ थान चार्जर, ब्याट्री ९ थान र मोबाईल कभर १४ थान गरी जम्मा अन्दाजी मुल्य १५ लाख बराबरको मोबाईल सहित समानहरू बरामद गरिएको छ ।
निजलाई नियन्त्रणमा लिई थप अनुसन्धान भइरहेको निमित्त सूचना अधिकारी तथा प्रहरी निरिक्षक बिरेन्द्र राज गुरुङले जनाएका छन् ।
