नेभा, ३ चैत्र,

अफ्रिकामा प्रकृतिले विनाश गरेको छ । दुई करोड जनसंख्या भएको देश मलावी मौसमले नराम्ररी प्रभावित भएको छ । फ्रेडी आँधीले यस देशमा विनाश ल्याएको छ । जसका कारण यहाँ तीन सयभन्दा बढीको मृत्यु भइसकेको छ । आँधीको अधिकतम प्रभाव ब्लान्टायर शहर नजिकै रेकर्ड गरिएको छ ।

विश्व मौसम विज्ञान संगठनका अनुसार यो आँधी दक्षिणी गोलार्धमा अहिलेसम्म आएका सबै आँधीभन्दा शक्तिशाली बन्न सक्छ । यो आँधीको मार मोजाम्बिकले पनि भोग्नु परेको छ । फ्रेडीको आँधी यति खतरनाक थियो कि मोजाम्बिकका धेरै भवनहरू यसको चपेटामा परे र भत्किए । यससँगै कयौं ठाउँमा पहिरो समेत खसेको छ ।

मलावीको क्वेलमेन बन्दरगाह नजिकै बाढीको अवस्था सिर्जना भएको छ । एकै समयमा, यो विश्वास गरिन्छ कि मलावीले इतिहासको सबैभन्दा घातक हैजाको प्रकोपसँग पनि लडिरहेको छ । यस्तो अवस्थामा मलावीमा भारी वर्षाले हैजाको अवस्था झनै बिग्रन सक्ने राष्ट्रसंघीय निकायले जारी गरेको चेतावनीमा उल्लेख छ । मलावीका राष्ट्रपति लाजरस चकवेराले चक्रवात फ्रेडीबाट मृत्यु हुनेको संख्या ३२६ पुगेको घोषणा गरेका छन् ।

बिहीबार ढिलो राष्ट्रका नाममा सम्बोधन गर्दै उनले घाइते र बेपत्ताको संख्या क्रमशः २०१ र ७९६ पुगेको सिन्ह्वा समाचार संस्थाले जनाएको छ । विस्थापितको संख्या दोब्बरले बढेर १,८३,१५९ पुगेको उनले बताए । विस्थापित परिवारको संख्या अहिले ४०,७०२ पुगेको छ ।