टीवी एक्ट्रेस तुनिषा शर्मा ९ गते के दिन आपन जान ले लेले रहली । आज मंगर के उनकर अंतिम संस्कार बा । तुनिषा अपना को-एक्टर शीजान खान संगे ब्रेकअप के वजह से आत्महत्या कइले रहली । ऊ शो ‘अली बाबा: दास्तान-ए-काबुल’ के सेट पर मौत के गले लगा लेले रहली ।
एतवार के तुनिषा के अंतिम संस्कार हो गइल रहित, बाकिर एक्ट्रेस के मौसी मुंबई ना पहुंच पाइल रहली । अब परिवार एगो स्टेटमेंट जारी कर के लोगन के इंफोर्म कइले बा कि, आज तुनिषा के अंतिम संस्कार होई ।
स्टेटमेंट के मोताबिक, “हमनी के प्यारी तुनिषा शर्मा बहुत दुख से ई बतावे के पड़ रहल बा कि, तुनिषा शर्मा सनिचर के हमनी के छोड़के चल गइली ।” शीजान तुनिषा के एक्स बॉयफ्रेंड रहल । ओह लोगन के मुलाकात एही साल में टीवी शो ‘अली बाबा: दास्तान-ए-काबुल’ के शूटिंग के दौरान भइल रहे । मिलल जानकारी के मोताबिक, ओह लोगन के बीच लद्दाख ट्रिप पर नजदीकी बढ़ल रहे आ ऊ एक दुसरा के डेट करे लागल रहे लोग ।