वीरगंजके दुगो लइका सनिचर के भोरेसे भुलइला के बाद एतवार के भारतके पटना से मिलल खबर आइल बा ।
वीरगंज महानगरपालीका–बिर्ता के रहनियार बस व्यवसायी जगरनाथ कलवारके १२ वर्षके बेटा शिवेश गुप्ता आ दिपेश शर्माके १२ वर्षके बेटा प्रनिश शर्मा सनिचरके भोरे ११ बजे से सम्पर्कविहिन भइर रहे । दुनु केहु घर लगे ट्युशन पढे गइल रहे आ ओकरा बाद जियादा समय तक घरे नाआइला पर चिन्तित गार्जियन पुलीस मे खबर करत खोजेके निहोरा कइलख ।
एतवारके दुपहर के २ बजे उलोग भारत, बीहार राज्य के पटनामे मीलल जानकारी परीवारके आदमी करइलख । दुनु बच्चा सब कक्षा ७ मे पढेला । ओकनीके लिआवे खातिर परिवारके आदमी पटना गइल बुझल गइल बा ।
दुनु बच्चा बिहार पुलीसके मिलल रहे वडा पुलीस दफतर बिर्ता के पुलिस निरीक्षक राजेस राज पुरी बतइलन । दुनु लइका पटना कइसे पुगल अभीन कुछो ना कहल जासकता राजेस राज पुरी बतइलन ।
