सुपर टाइफुन नानमाडोलले जापानमा विनाश मच्चाइरहेको छ । यो आँधीका कारण २ जनाको ज्यान गएको खबर आइरहेको छ । स्थानीय प्रशासनले ९० लाखभन्दा बढी मानिसलाई घरबाट बाहिर निस्कन भनिएको छ तथ्यबाटै आँधीको खतराको अनुमान लगाउन सकिन्छ ।
सुपर टाइफुन नानमाडोल, जसलाई सबैभन्दा खतरनाक आँधी मानिन्छ । जसका कारण जापानको अवस्था बिग्रिएको छ । रिपोर्टका अनुसार फुकुओका प्रिफेक्चरमा आँधीबाट आश्रय लिन गएका एक व्यक्तिको मृत्यु भएको छ । मियाजाकी प्रिफेक्चरको बाढीले भरिएको खेतमा डुबेको कारबाट निकालिएपछि अर्को व्यक्ति मृत फेला परेको स्थानीय अधिकारीहरूले बताएका छन् । मियाजाकी प्रिफेरल अफिसरका अनुसार ४० वर्षीय पुरुष बेपत्ता भएको रिपोर्ट गरिएको छ ।
जापानमा यो वर्षको १४ औं आँधी हो । यो सोमबार दिउँसो यामागुची प्रिफेक्चरको हागी नजिक २० किलोमिटर प्रतिघण्टाको गतिमा गुडिरहेको थियो । यसको केन्द्रमा 975 हेक्टोपास्कलको वायुमण्डलीय चाप थियो, जसमा अधिकतम 162 किलोमिटर प्रति घण्टाको साथ 108 किलोमिटर प्रति घण्टाको हावा थियो ।
खराब मौसमको करण ७० भन्दा बढी व्यक्ति घाइते भएका छन् । सोमबार क्युसुमा बुलेट ट्रेन स्थगन र देशका दुई प्रमुख एयरलाइन्स एएनए र जापान एयरलाइन्सका झण्डै ६०० उडान रद्द गरिएको छ
