हलिउडका चर्चित अभिनेता जोनी डेप र उनकी श्रीमती एम्बर हर्डबीचको युद्ध अब कसैबाट लुकेको छैन । यी दुईबीच जारी कानूनी लडाईमा एकपछि अर्को चकित पार्ने खुलासा भइरहेका छन् । यो मानहानीको मुद्दामा चलिरहेको हाईभोल्टेज ड्रामामा कहिले जोनी डेपमाथि हिलो हान्छन् त कहिले एम्बर हर्डको विरुद्धमा बहस भइरहेका छन् । यी तर्कले दुवै ताराको तस्बिरमा माटो हान्ने गरेको छ, जसका कारण दुवैले घाटा बेहोर्नुपरेको छ ।
अभिनेता र अभिनेत्रीका फ्यानहरू यो विवादमा धेरै चासो राख्छन् र यसै कारण उनका धेरै फ्यानहरू अदालतको कोठामा उपस्थित हुन्छन् । अब यस केसको बारेमा अर्को ठूलो अपडेट आएको छ । जोनीको एक महिला फ्यानले अदालतमा मेरो बच्चाको बुवा जोनी हो भनेर दाबी गरेकी छिन् ।
सोमबार मे 23 मा, जोनी डेप र एम्बर हर्डको मुद्दाको सुनुवाई एक पटक फेरि सुरु भयो । यस्तो अवस्थामा बिहानको ब्रेकमा निकै हंगामा मच्चियो जब एउटी महिलाले सबैको अगाडि कराएर भनिन्, ‘म तिमीलाई माया गर्छु, जोनी । हाम्रो मन र आत्मा दुवै जोडिएको छ ।
जोनीको यस्तो प्रतिक्रिया पाएपछि ती महिलाले चिच्याइन्, ‘यो तिम्रो बच्चा हो ।’ यसपछि महिलालाई अदालतबाट बाहिर निकालियो । यो सब सुनेर त्यहाँ उपस्थित एम्बर एकदमै स्तब्ध भइन् । मिडियाको अगाडि ती महिलाले आफू ठट्टा मात्र गरेको स्वीकार गरिन् ।
यस हाई प्रोफाइल केसमा धेरै खुलासा भएपछि अब यो मुद्दाको सुनुवाइ मे २७ सम्म चल्ने अनुमान गरिएको छ ।
