डरलाग्दो आर्थिक संकटको सामना गरिरहेको पाकिस्तानमा कोरोना भाइरसका कारण डरलाग्दो चपेटामा परेको छ ।
रिपोर्टका अनुसार पाकिस्तानमा कोभिड–१९ को महामारी सुरु भएयता शुक्रबार सबैभन्दा बढी ७ हजार ६ सय ७८ नयाँ संक्रमित थपिएका छन् । कोरोना भाइरसको संक्रमण बढ्दै गएपछि महामारीको पाँचौं लहरको सामना गरिरहेको मुलुकका लागि चिन्ताजनक अवस्थाको सङ्केत भएको छ ।
यसअघि पाकिस्तानमा एकै दिनमा सबैभन्दा बढी कोरोना संक्रमितको रेकर्ड सन् २०२० जुनमा बनाइएको थियो । यस अवधिमा कोरोना भाइरसबाट सङ्क्रमित २३ जनाको मृत्यु भएको राष्ट्रिय स्वास्थ्य सेवा मन्त्रालयले जनाएको छ । मन्त्रालयले पछिल्लो २४ घण्टामा ज्यान गुमाउने सहित पाकिस्तानमा कोभिड–१९ का कारण २९ हजार ६५ जनाको मृत्यु भएको जनाएको छ ।
तथ्यांक अनुसार पाकिस्तानमा हालसम्म १३ लाख ५३ हजार ४७९ जनामा संक्रमण पुष्टि भएको छ । पाकिस्तानको राष्ट्रिय स्वास्थ्य सेवा मन्त्रालयले यसअघि १३ जुन २०२० मा एकै दिनमा सबैभन्दा बढी ६,८२५ नयाँ केसहरू रिपोर्ट गरिएको बताएको थियो ।
फेब्रुअरी २०२० मा पाकिस्तानमा कोरोना भाइरसको संक्रमणको पहिलो केस पुष्टि भएको थियो । मन्त्रालयले मुलुकमा कोभिड–१९ संक्रमण दर बढेर १२.९३ प्रतिशत पुगेको जनाएको छ । तथ्यांकअनुसार हालसम्म १२ लाख ६५ हजार ६ सय ६५ बिरामी संक्रमणमुक्त भइसकेका छन् भने ९ सय ६१ जनाको अवस्था चिन्ताजनक रहेको छ । कोरोना भाइरसको महामारीको पाँचौं लहरबाट गुज्रिरहेको मन्त्रालयले मुलुक जनाएको छ ।
हालसम्म १० करोड २९ लाख ७५ हजार ५५२ जनालाई कोभिड–१९ विरुद्धको खोपको पहिलो डोज दिइएको छ भने ७ करोड ८८ लाख ६० हजार ५४३ जनाको खोप सकिएको उनले बताए ।
