भारी वर्षाले इन्डोनेसियाको सुमात्रा टापुमा आकस्मिक बाढी र भूस्खलन निम्त्याएको छ । भूस्खलन र बाढीका कारण कम्तीमा १९ जनाको मृत्यु भएको छ भने अन्य सात जना बेपत्ता छन् ।
बेपत्ता व्यक्तिहरूको सङ्ख्या बढ्ने सम्भावना छ । अधिकारीहरूले आज यो जानकारी दिएका हुन् । विपद् व्यवस्थापन निकाय घटनास्थलमा पुगेको छ र राहत र उद्धार कार्य सुरु गरेको छ । धेरै मानिसहरूलाई उद्धार गरिएको छ र घाइतेहरूलाई अस्पतालमा भर्ना गरिएको छ ।
स्थानीय विपद् व्यवस्थापन एजेन्सीका प्रमुख डोनी युसरिजलले शुक्रबार राति धेरै टन माटो, चट्टान र उखेलिएका रूखहरू पहाडबाट तल झरेर नदीमा पुगेको बताएका छन् । यसले धेरै किनारहरू तोडेको र पश्चिम सुमात्रा प्रान्तको पेसिसिर सेलाटन जिल्लाको पाहाडी गाउँहरूमा बाढी आएको, उनले भने । सूचनाको अनुसार दुर्घटनामा १९ जनाको मृत्यु भएको छ ।
