बाराको ईलाका प्रहरी कार्यालय, सिम्रौनगढबाट खटिएको प्रहरी टोलिले सिम्रौनगढ नगरपालिका वडा नम्बर ४ स्थित चेक जाँच गर्ने क्रममा एकजना व्यक्तिलाई नक्कली नोट सहित पक्राउ गरेको छ ।
हरिहरपुरबाट सिम्रौनगढ तर्फ जाँदै गरेको BR 05J2181 नम्बरको भारतीय मोटरसाइकर्ल संकास्पद लागि रोकेर चेक जाँच गर्दा उक्त व्यक्तिको साथबाट भारतीय रु. ५ सयको सक्कली नोट ३ वटा, भारतीय नोट रु. ५ सयको साइजमा राखिएको सादा कागज २८६ वटा र नेपाली रु. १ हजारको ८ वटा नक्कली नोटहरु वरामद गरी नियन्त्रणमा लिइएको छ ।
पक्राउ पर्ने मोटरसाइकल चालक जिल्ला बारा, महागढीमाई नगरपालिका वडा नम्बर ९ कञ्चनपुरको निवासी अन्दाजी ३५ वर्षको राम बिनय सहनी हुन् ।
निजलाई नियन्त्रणमा लिई खोटा चलन सम्बन्धि कसुर मुद्दा दर्ता गरी जिल्ला अदालत बारा, कलैयाबाट ५ दिन म्याद थप गरी थप अनुसन्धान कार्य भइरहेको कुरा प्रहरी नायब उपरीक्षक दधिराम न्यौपानेले जनाएका छन् ।
