कोशी प्रदेश प्रहरी कार्यालय, बिराटनगरको सुरक्षा सुनिश्चिता तथा फरार प्रतिवादी पक्राउ अभियान अन्तर्गत खटिएको प्रहरी टोलीले झापा, मोरङ र उदयपुर जिल्लाको बिभिन्न स्थानहरुबाट एकै दिनमा ४६ जना फरार प्रतिवादीहरुलाई पक्राउ गरेको छ ।
मोरङ जिल्ला, अदालतको फैसलाले बिभिन्न मुद्दाका फरार ब्यक्तिहरुको खोजतलासमा जिल्ला प्रहरी कार्यालय, मोरङ र मातहत कार्यालयहरुबाट खटिएको टोलीले मोरङका बिभिन्न स्थानहरुबाट एकैदिन बिभिन्न मुद्दाका ४१ जना फरार प्रतिवादीहरुलाई पक्राउ गरेको छ ।
सोहि दिन जिल्ला प्रहरी कार्यालय, झापा तथा मातहत कार्यालयहरुबाट खटिएको प्रहरी टोलीले छुट्टाछुट्टै मुद्दाका ४ जना फरार प्रतिवादीहरुलाई पक्राउ गरेको छ भने जिल्ला प्रहरी कार्यालय उदयपुरबाट पनि खटिएको प्रहरी टोलीले सवारी ज्यान मुद्धाका फरार १ जना प्रतिवादीलाई पक्राउ गरेको छ ।
पक्राउ परेका निजहरुलाई तोकिएको कैद तथा जरिवाना भुक्तानको लागि सम्बन्धित जिल्ला अदालतहरुमा उपस्थित गराईएको कुरा कोशी प्रदेश प्रहरी कार्यालय, बिराटनगरले जनाएको छ ।
