जिल्ला कास्की पोखरा महानगरपालिका वडा नम्बर १९ लामाचौर अकला मन्दिर स्थित सडक खण्डमा प्रहरीहरुद्वारा सवारी साधन चेकजाँचको क्रममा अबैध काठ सहित एकजनालाई पक्राउ गरिएको छ ।
पुरुन्चौरतर्फबाट पोखरातर्फ आउँदै गरेको ग ३ च ५८०९ नम्बरको बोलेरो जिपलाई रोकी चेकजाँच गर्दा उक्त जिपमा चिरुवा काठ (फल्याक) २८० थान लोड गरेको पाईएको हुनाले र सो सम्बन्धमा प्रयोजन खुल्ने कागजातहरु साथमा नभएको हुनाले नियन्त्रणमा लिइएको छ ।
उल्लेखित नम्बरको चिरुवा काठ (फल्याक) सहित जिप चालक जिल्ला कास्की माछापुच्छ्रे गाउँपालिका वडा नम्बर २ को भुर्जुङखोला बस्ने ३१ वर्षको अनिष विकलाई उक्त जिप सहित नियन्त्रणमा लिई थप अनुसन्धान तथा आवश्यक कारवाहीको लागि डिभिजन वन कार्यालय बगर, कास्कीमा पठाईएको कुरा जिल्ला प्रहरी कार्यालय कास्कीबाट जानकारी गराइएको छ ।
