नेभा, काठमाडौं, २० मंसिर,
काठमाण्डौ उपत्यका भित्र भएका क्यासिनोहरुमा हुने बिभिन्न कृयाकलापहरु माथि सुक्ष्मरुपमा निगरानी गर्दा जिल्ला दोलखा मेलुङ गाउँपालिका वडा नम्बर ३ घर भएको हाल काठमाडौं जिल्ला बुढानिलकण्ठ बस्ने ४७ वर्षको गोबिन्द खड्का, जिल्ला ओखलढुंगा चिसंखुगढ़ी गाउँपालिका वडा नम्बर ८ रातोमाटे घर भएको हाल जिल्ला ललितपुर सातदोबाटो नखिपोट बस्ने ३९ वर्षको नविन राई र जिल्ला रुपन्देही तिलोतमा नगरपालिका कोटिहवाको हाल जिल्ला काठमाडौं तारकेस्वर नगरपालिका वडा नम्बर २१ मा बस्ने २५ वर्ष उमेर भएको बिनोद न्यौपानेलाई प्रहरीले पक्राउ गरेको छ ।
उपत्यकाभित्र भएका क्यासिनोमा प्रवेश गराई खेलाउने प्रयोजनको लागि नेपाली नागरिकको भारतीय कागजात बनाई दिने गरेको भन्ने बुझिन आएकोले यस कार्यालयबाट खटिगएको प्रहरी टोलीले मंसिर १९ गते गोबिन्द खड्का लगायत ३ जनालाई पक्राउ गरेको छ ।
निजहरुलाई पक्राउ गरी अनुसन्धान कार्य भईरहेको खबर काठमाडौं उपत्यका अपराध अनुसन्धान कार्यालय मीनभवन, काठमाडौंको बिज्ञप्ति मार्फत जानकारी गराइएको छ ।
