बैशाख २६ गते पर्सा जिल्लाको वीरगञ्ज महानगरपालिका वडा नम्बर ८ घण्टाघर स्थित सडकखण्डबाट ना.६ ख ३८६१ नम्बरको ट्रकमा अन्दाजी मूल्य रू. ८७ लाख ५० हजार ४ सय १५ रुपैया बराबरका खुद्रा तथा औषधीहरू जिल्ला प्रहरी कार्यालय, पर्साले नियन्त्रणमा लिइएको छ ।
प्रहरी द्वारा नियन्त्रणमा लिइएको खुद्रा तथा औषधीहरू राजस्व अनुसन्धान कार्यालय, पथलैयामा बुझाइएको छ ।
बैशाख २५ गते पनि पर्सा जिल्लाको वीरगञ्ज महानगरपालिका वडा नम्बर १६ रजतजयन्ती चोक स्थितबाट रु. २ लाख ८७ हजार ५ सय बराबरको खाद्यान्न तथा कपडाहरू वडा प्रहरी कार्यालय, विर्ता नियन्त्रणमा लिइएको थियो । उक्त सामानहरु वीरगञ्ज भन्सार कार्यालयमा बुझाइएको छ ।
विशेष सूचनाको आधारमा जिल्ला प्रहरी कार्यालय, पर्साबाट खटिएको प्रहरी टोलीले उक्त स्थानहरूबाट नियन्त्रणमा लिएको निम्न मालबस्तुहरूको जोड मूल्य अन्दाजी रु. ९० लाख ३७ हजार ९ सय १५ रुपैया भएको र खुद्रा, औषधी तथा कपडाहरू आवश्यक कारवाहीको लागि आज बैसाख २६ गते उल्लेखित कार्यालयहरूमा बुझाइएको कुरा प्रहरी नायब उपरीक्षक कुमार विक्रम थापाले जनाएका छन् ।
