एम्बुलेन्सको प्रयोग गरी लागुऔषध गाँजा ओसार पसार गर्ने १ जनालाई धनकुटाको साँगुरीगढी गाउँपालिकाको वडा नम्बर ६ भेडेटारबाट प्रहरीले पक्राउ गरेको छ । पक्राउ पर्ने बिराटनगर महानगरपलिका वडा नम्बर ८ का ४८ वर्षको जयदेव चेल भन्ने व्यक्ति हुन् ।
एम्बुलेन्समा गाँजाको ओसार पसार भईरहेको भन्ने बिशेष सूचनाको आधारमा ईलाका प्रहरी कार्यालय, भेडेटारबाट चेकजाँचमा खटिएको प्रहरी टोलीले धनकुटाबाट धरान तर्फ जाँदै गरेको मे १ च २०३२ नम्बरको एम्बुलेन्सलाई रोकेर चेकजाँच गर्दा उक्त एम्बुलेन्स भित्र लुकाई छिपाई राखेको ५२ किलो गाँजा बरामद गरेको छ ।
लागूऔषध गाँजा बरामद भए संगै चालक चेललाई पनि पक्राउ गरिएको र घटना सम्बन्धमा थप अनुसन्धान भईरहेको कुरा पदेश प्रहरी कार्यालय, बिराटनगरले जनाएको छ ।
बिरामीहरुलाई ल्याउने लैजाने एम्बुलेन्समा पनि गाँजा जस्तो लागूऔषधको ओसार पसार भइरहेको छ । सुनसरीको बराहक्षेत्रमा पनि एम्बुलेन्स भित्र गाँजा भेटिएको हुँदा उक्त एम्बुलेन्सलाई प्रहरीले नियन्त्रणमा लिएको छ ।
सुनसरीको बराहक्षेत्र नगरपालिकाको वडा नम्बर १ स्थीतको चतराबाट को १ च २९३७ नम्बरको एम्बुलेन्स भित्र ९ वटा पोकामा २७३ किलो गाँजा भेटिएको कुरा सुरक्षा बेस चतराले जनाएको छ । नियन्त्रणमा लिइएको गाँजा तथा एम्बुलेन्स कारबाहीको लागि इलाका प्रहरी कार्यालय महेन्द्रनगर चक्रघट्टीमा बुझाइएको छ ।
