नेपाल पत्रकार महासंघ पर्साका कार्यसमिति सदस्य, सगरमाथा टेलिभिजनका सम्वादाता तथा राष्ट्र सन्देश अनलाइन मिडियाका सम्पादक पत्रकार नरेश सरार्फको ३८ वर्षको अल्पायुमै आज मिति मङ्सिर १५ गते असमायिक र अकल्पनीय निधन भएको दुःखद् खबरले सम्पूर्ण पर्सेली पत्रकार स्तब्ध भएका छन् ।
अाज विहान घरमै ब्याम गरिरहेको अवस्थामा अचानक अचेत भई नारायणी अस्पताल पुर्याइएकोमा विहान ८ बजे निधन भएको कुरा खुल्न आएको हो । पर्सामा सक्रिय पत्रकारिता गर्दै आएका सरार्फको निधनले सञ्चारकाे क्षेत्रमा अपुर्णिय क्षति भएको ठहर नेपाल पत्रकार महासंघ पर्सा शाखाको छ । पर्सेली पत्रकारिता क्षेत्रले एक जुझारु तथा उर्जावान युवा पत्रकार गुमाएको शाखाको भनाइ छ ।
अस्पतालका चिकित्सक डा. दिपक चौरसियाले अस्पतालमा ल्याउँदै गर्दा बाटोमै पत्रकार सर्राफको निधन भएको पुष्टि गर्नुभयो ।
हामी पपुलरसीस समूहबाट हाम्रा मित्र पत्रकार स्व. नरेश सर्राफलाई हार्दिक श्रद्धाञ्जली व्यक्त गर्दै मृतकका परिवारलाई धैर्यधारण गर्ने शक्ति मिलोस्… मृत आत्माले वैकुण्ठ वास गरोस् भनी प्रार्थना गर्दछौं ।
