अफगानिस्तानमा भूकम्पले ठूलो क्षति पुर्याएको छ । यस विनाशमा 255 जनाको मृत्यु भएको छ । रिक्टर स्केलमा ६ दशमलव १ रेक्टर स्केलको भूकम्प गएको अमेरिकी भूगर्भ सर्वेक्षण ‘युएसजीएस’ का अनुसार यसको केन्द्रबिन्दु अफगानिस्तानको दक्षिणपूर्वमा रहेको थियो । प्राप्त जानकारी अनुसार अफगानिस्तानको पूर्वी पक्तिका प्रान्तमा यो शक्तिशाली भूकम्प आएको हो । यस भूकम्पको धक्का भारत र पाकिस्तानमा पनि महसुस गरिएको छ ।
पाकिस्तानी सञ्चारमाध्यमका अनुसार इस्लामावादलगायत धेरै राज्यमा भूकम्पको धक्का महसुस गरिएको थियो । उद्धारका लागि हेलिकप्टरबाट उद्धार टोली पुगेका छन् । यस भूकम्पका कारण अफगानिस्तानमा धेरै भवनमा क्षति पुगेको र सयौं मानिस घाइते भएको बताइएको छ ।
भूकम्पले पाकिस्तानमा पनि ठूलो क्षति पुर्याएको छ र धेरै मानिसको ज्यान गएको खबर छ । प्राप्त जानकारी अनुसार पाकिस्तानको खैबर पख्तुनख्वा प्रान्तमा पनि एक जनाको मृत्यु भएको छ । भूकम्पका कारण घरको छाना भत्किँदा व्यक्तिको ज्यान गएको थियो । पाकिस्तानी समय अनुसार बिहान १ बजेर ५४ मिनेटमा उक्त भूकम्प गएको हो ।
