जिल्ला प्रहरी कार्यालय, उदयपुरबाट खटिएको प्रहरी टोलीले उदयपुर जिल्लाको त्रियुगा नगरपालिका वडा नम्बर १२ स्थितबाट एकजना व्यक्तिलाई पेस्तोल सहित पक्राउ गरेको छ ।
त्रियुगा नगरपालिका वडा नम्बर ३ बस्ने १९ वर्षको जुलेश रायमाझीको साथबाट अबैध रुपमा बोकिरहेको अवस्थामा खाली म्यागजिन सहित १ थान पेस्तोल फेला पारी बरामद गरी निज जुलेश रायमाझीलाई तत्काल नियन्त्रणमा लिइएको छ ।
उदयपुर जिल्ला, अदालतबाट दिन ५ म्याद थप गरी आवश्यक अनुसन्धान भइरहेको कुरा जिल्ला प्रहरी कार्यालय, उदयपुरले जनाएको छ ।
