बागमती प्रदेश प्रहरी कार्यालय, हेटौडाको लागूऔषध नियन्त्रण कार्य योजना २०८० अनुरुप पौष २८ गते लागूऔषध गाँजा तथा अफिम उत्पादनलाई फडानी तथा नष्ट गरिएको हो ।
जिल्ला प्रहरी कार्यालय, धादिङबाट प्रहरी निरिक्षक अभय लामाको कमाण्डमा र यस कार्यालयबाट प्रहरी बरिष्ठ नायब निरिक्षक रश्मी सिलवालको कमाण्डमा ३५ जनाको संयुक्त टोली खटिएको थियो ।
उक्त टोलि खटि गई जिल्ला धादिङ गजुरी गाँउपालिका वडा नम्बर २ स्थित रविधनमा उत्पादन गरिएको अबैध लागूऔषध गाँजा २५ रोपनी र अफिम अन्दाजी २० रोपनी गरी जम्मा ४५ रोपनी गाँजा तथा अफिम फडानी तथा नष्ट गरिएको कुरा इलाका प्रहरी कार्यालय, धादिङले जनाएको छ ।
