करिब एक महिनाअघि हमासले गरेको आतंकवादी हमला र १४ सय सर्वसाधारणको मृत्युले इजरायललाई पुरै हल्लाएको छ । इजरायलले हमासलाई नष्ट गर्ने वाचा गर्दै पूरै गाजा पट्टीमा विनाश मच्चाएको छ । संयुक्त राष्ट्र संघका प्रमुखले गाजामा संयुक्त राष्ट्रसंघका उद्धारकर्मीको मृत्युप्रति दुःख व्यक्त गरेका छन् । उनले भनेका छन् कि संयुक्त राष्ट्रको स्थापना पछि, इतिहासमा यति धेरै उद्धारकर्मीहरू मारिए जति गाजामा केही हप्ताहरुमा भएको छ ।
इजरायल र हमासबीच जारी युद्धमा गाजा पट्टीमा हालसम्म संयुक्त राष्ट्रसंघका ८९ राहतकर्मी मारिएका छन् । संयुक्त राष्ट्रसंघका महासचिव एन्टोनियो गुटेरेसले हालैका हप्ताहरूमा संगठनको इतिहासमा अन्य कुनै पनि समयमा भन्दा बढी सहायताकर्मी मारिएको बताएका छन् । म गाजामा मारिएका सहकर्मीहरूका परिवारका सदस्यहरूसँग शोकमा समिलीत छु ।
संयुक्त राष्ट्रसंघका महासचिव एन्टोनियो गुटेरेसले इजरायल–हमास युद्धको बीचमा धेरै ठूला माग राखेका छन् । उनीहरूले मानवीय युद्धविराम, अन्तर्राष्ट्रिय मानवीय कानूनको सम्मान, बन्धकहरूको बिना शर्त रिहाइ, नागरिकहरूको सुरक्षा, अस्पताल, संयुक्त राष्ट्र संघका सुविधाहरू, आश्रय र विद्यालयहरू, नागरिकहरूलाई मानव ढालको रूपमा प्रयोग गर्ने अन्त्य गर्न, र थप मानवीय सहायतालाई गाजामा प्रवेश गर्न अनुमति दिन आग्रह गरेका छन् ।
